fail honay ke fawaid !
fail honay ke fawaid !,“basharat kehte hain ke bi ae ka imthehaan dainay ke baad yeh fikar la-haq hui ke agar feel ho gaye to kya ho ga. wazifa parha to bahmdulilah yeh fikar to bilkul rafa ho gayi, lekin is se bhi barri aik aur tashweesh la-haq ho gayi. yani agar khuda na khasta paas ho gaye to? ”
“nokry milni mahaal. yaar dost sab tatar buttar ho jayen ge. waalid haath khech len ge. be kaari, be roz gari, be zari, be shugli. zindagi azaab ban jaye gi .
angrezi akhbar faqat wanted ke ishtiharaat ki khatir khareedna parre ga. phir har kadhab asaami ke sanchay mein apni qualifications ko is terhan dhaal kar darkhwast deeni ho gi goya hum is aalmِ rang o boo mein sirf is mulazmat ke liye maboos hue hain .
ik phool ke mazmoon ko so rang se bandhna ho ga. rozana daftar bah daftar zillat uthana parre gi. taa waqtay ke aik hi daftar mein is ka mustaqil bandobast nah ho jaye. har chand ke feel honay ka Qawi imkaan tha, lekin paas honay ka khadsha bhi laga hwa tha. ”
“kbhi kabhi woh dar dar ke magar sach mach tamanna karte ke feel hi ho jayen to behtar hai. kam az kam aik saal aur be fikri se kat jaye ga. feel honay har to bakol Mirza , sirf aik din aadmi ki be izzati kharab hoti hai. is ke baad chain hi chain .
fail honay ke fawaid ! bas yahi ho ga na ke jaisay eid par log milnay atay hain, isi terhan is din khandan ka har buzurag baari baari barson ka jama shuda gubhar nikaalte aaye ga aur feel honay aur khandan ki naak ktwane ki aik mukhtalif wajah betaye ga. is zamane mein nojawanon ka koi kaam, koi feal aisa nahi hota tha jis ki jhapat mein aa kar khandan ki naak nah kat jaye. ”
