duniya ke kisi bhi koonay mein rehne wala Pakistani hamari zimma daari hai, wazeer e azam
duniya ke kisi bhi koonay mein rehne wala Pakistani hamari zimma daari hai,Wazeer e Azam Imran Khan nay Pakistanio ki wapsi ke intizamaa aur pishrft par itminan ka izhaar karte hue kaha duniya ke kisi bhi koonay mein rehne wala Pakistani hamari zimma daari hai .
tafseelaat ke mutabiq Wazeer e Azam Imran Khan se Muawin khusoosi qaumi salamti moeed yousaf ki mulaqaat hui, mulaqaat mein ilaqai soorat e haal par tabadlah khayaal kiya gaya .
dr Mueed Yousuf nay beron mumalik phansay Pakistanio ki wapsi se aagah kiya aur bataya ab taq 70 mumalik se 2 laakh 25 hazaar se zayed Pakistanio ko wapas laya gaya, Pakistanio ki wapsi ke wazeer e azam ke waday ko poora kiya ja raha hai,
Wazeer e Azam ny Pakistanio ki wapsi ke intizamaa aur pishrft par itminan ka izhaar karte hue kaha duniya ke kisi bhi konay mein rehne wala Pakistani hamari zimma daari hai, apni zimma daari ko poora karne ke liye har koshish karte rahen ge .
khayaal rahay corona waba ke baais beron malik Pakistani mehnat kshon ke be rozgaar honay ka maamla samnay anay ke baad Wazeer e Azam Imran Khan ki hadaayat par un ke liye iqdamaat shuru kar diye gaye .
Muawin khusoosi Zulfi bukhari ny kaha tha ke avorsiz Pakistanio ka mukammal data akhatta kya ja raha hai ,
hamein kathin halaat mein hum vtnon ki mushkilaat ka mukammal ehsas hai, Wazeer e Azam ki khwahish hai ke Pakistani mazdooron ko saholaten di jayen .
Zulfi bukhari ka kehna tha Pakistani mehnat kshon ko dobarah work force ka hissa banaya jaye ga, un ki mehfooz watan wapsi ke sath rozgaar ki farahmi bhi hukoomat ki tarjeeh hai .
