corona virus soonghnay ki hiss nah rahay to kya hota hai ?
corona virus soonghnay ki hiss nah rahay to kya hota hai, soonghnay ki hiss se mahroom hona corona virus ki chand alamaat mein se aik hai jis ka fi al haal koi ilaaj mojood nahi, bzahir yeh jismani mazoori nahi lekin is ke nafsiati asraat kisi takleef se kam nahi hain .
corona virus ke ziyada tar mutasireen apni soonghnay ki hiss se mahroom ho jatay hain jo ziyada tar cases mein virus ke theek honay ke sath hi bahaal ho jati hai, jabkay chand ko taweel arsay taq is mushkil sorat e haal ka saamna rehta hai .
anosmi organization soonghnay ki hiss se mahroom afraad ko aik baqaida nafsiati programme ke zariye chand aisi ashya ki mehak se muta-arif krwati hai jo abhi bhi un ki yadasht ka hissa hon .
anosmi ke sarbarah Michael millered naay bataya ke woh khud bhi is programme ka hissa rahay hain jis ke zariye ab woh das mukhtalif ashya ki
mehak aik martaba phir se mehsoos kar satke hain jin mein machhli, cigrette aur ghulaab ki khusbhoo shaamil hai, unhon naay aik haadsay ke baad apni soonghnay ki hiss kho di thi, aap ko is hiss ka ehsas hi usay khonay ke baad hota hai .aniosmiya yani soonghnay ki salahiyat mukammal tor par kho dainay se ensaan har qisam ki achi ya buri bo se mahroom ho jata hai. is ke mutasireen ki madad ke liye kholi gayi company’ anosmi ‘ ke sarbarah ke mutabiq apni zindagi ki tamam mehkoon se mahroom ho jana kisi zehni aziat se kam nahi .
sarbarah Michael millerd nay ae f pi ko bataya ke aisi haalat mein nah to mutasirah shakhs apni subah ki pehli kaafi ki khusbhoo sungh sakta hai, nah ghaas ki, aur nah hi apni jald par istemaal kiye gaye sabun ki .
unhon ny bataya ke’ anosmia’ ka shikaar afraad sirf Khushgawar mehak soonghnay se hi mahroom nahi hotay balkay aisay shakhs ko aag lagnay ya gas lake honay ke baaray mein bhi maloom nahi ho sakta .
unhon ny kaha ke agar yeh sorat e haal chay mah tak barqarar rahay to is ke nafsiati asraat barhna shuru ho jatay hain jin se nimatnay ke liye baqaida mahireen se rujoo karne ki zaroorat hoti hai .
aik francesi dr alin kore ka kehna tha ke corona ke ilawa diabities, alzaimeer, parknsn aur deegar chand bemariyan bhi soonghnay ki hiss ko mutasir karti hain .
