corona virus ke asraat kurrah arz par honay ka inkishaaf
corona virus ke asraat kurrah arz par honay ka inkishaaf, naye corona virus ke nateejay mein duniya bhar mein maeeshat ki bandish se arzyati awazon ki sharah mein be misaal kami dekhnay mein aayi hai .
karobari idaron ki bandish ke asraat ko zalzala pema alaat mein dekha gaya jo ke aam tor par aadhi raat ya tatilat ke douran nazar atay hain. magar is baar yeh asraat March se May tak barqarar rahay aur lag bhag duniya ke har gooshay mein inhen mehsoos kya gaya, jo ke zalzalay ki science ki tareekh mein duniya mein pehlay kabhi dekhnay mein nahi aaya .
jareeday journal science mein shaya tahaqeeq mein 27 mumalik ke saat science danon ne zalzala pema alaat se zameen par muratab asraat ka mushahida kya .
unhon ne daryaft kya ke rawan saal ke ibtidayi mahino mein jaisay jaisay virus duniya mein phailna shuru sun-hwa, zameen ki satah ghayr-maa’mooli hadd taq pursukoon aur khamosh hogayi .
mayshton ke band honay se insani sargarmia nah honay ke barabar reh gayi theen jabkay logon ko ziyada waqt gharon mein rehne ki hadaayat ki gayi thi .
California anstitot of technology ke maahir ka kehna tha ke aap kabhi tawaqqa bhi nahi kar saktay
ke kisi marz ke asraat zalzala pema alaat par nazar aaskte hain .
tahaqeeq ke douran duniya bhar mein 268 reserch stations ke data ko akhatta karkay lag bhag duniya ke har khittay mein karobari bandish ke asar ko dekha gaya. turkey, chali, Iran , costa rica, Australia aur deegar mutadid mumalik se reports ko jama kya gaya .
yeh asraat Srilanka mein dramayi they jahan aik station mein awazon ki sharah mein 50% kami dekhnay mein aayi jabkay New York shehar ke central park mein yeh sharah raat ko 10 feesad taq ghatt gayi .
mohqiqeen ka kehna tha ke is data se qudrati afaat aur insani sar garmion ke baais anay wali afaat ko farq karne mein madad mil sakay gi jabkay yeh wabai sorat e haal mein insani sar garmion ki monitoring ka aik tool bhi saabit hoga .
arzyati mahireen zalzala pema alaat ko zameeni harkat ke liye istemaal karte hain, jaisay zameen ki satah andar se totnay ya kisi fault line ke nateejay mein zalzalay se tawanai ka ikhraj hota hai jis se oopri satah kanpnay lagti hai .
is se kam asar is waqt hota hai jab kisi truck ki janib se achanak break lagai jati hai to tawanai ki aik lehar zameen ke ke andar jati hai .
kisi ke chalne se bhi aik sesmo meter par graph oopar jata hai, is terhan ke graphs raat ke waqt gir jatay hain jab insani sargarmia bohat kam reh jati hain .
waisay to shut downs se awazon ka madham hona heran kin nahi magar jitne barray pemanay mein aisa hwa woh zaroor dang kardainay wala hai .
