corona virus ka zor aahista aahista toot raha hai, senior dr ka daawa
corona virus ka zor aahista aahista toot raha hai, italy ke aik senior dr ka kehna hai ke naya corona virus Covid19 apni taaqat aahista aahista kho raha hai aur is ki shiddat mein batadreej kami aa rahi hai .
corona virus ney jahan poori duniya mein tabahi macha rakhi hai wahein is douran kuch umeed afzaa khabrain bhi masool ho rahi hain, is hawalay se italy ke aik senior dr albrto zangrelo ney daawa kiya hai ke naya corona virus apni tabah karyon ke baad aahista aahista apni taaqat khota ja raha hai .
un ka kehna tha ke haqeeqat mein yeh virus ab tibbi tor par italy mein mojood nahi hai, 21 feb ko is waba ke manzar aam par anay ke baad se italy mein Covid 19 se duniya bhar mein teesray number par sab se ziyada amwaat record ki gayeen .
unhon ny kaha ke guzashta mah May mein naye infection aur amwaat mein musalsal kami waqay hui hai aur bar e sagheer ke mumalik mein kahin bhi lock davn ki sakht tareen pabandion ko khatam nahi kya ja raha hai .
dr albrto zangrarlo ny kaha ke kuch mahireen corona infection ki doosri lehar ke imkaan ke barey mein bhi khatray se aagah kar rahay hain is hawalay se syastdanon ko bhi nai haqeeqat ko mad e nazar rakhnay ki zrorat hai.
ilawa azeen is se qabal Bartania mein biology ke mahireen neel frgosn ny jo London ampril college ke professor bhi hain ka bhi kehna tha ke Bartania mein corona waba ki raftaar aahista honay ke isharay mil rahay hain .
Bartanwi science daan ka kehna tha ke taqreeban 40 feesad mutasireen aisay hain jin mein corona alamaat zahir nahi huien, is ka matlab yeh hai ke is waba ka zor toot raha hai lekin unhon ny sath mein yeh bhi kaha ke yakeeni nateeja bar aamad honay ke liye abhi mazeed tehqiqaat ki zaroorat hai .
doosri janib italy ki wizarat sahet ki under secretary sndra zamiya naay aik bayan mein kaha hai ke scienci saboot is daaway ki taied ke liye na kafi hain ke corona virus ki shiddat kam hogayi hai .
lehaza zaroorat is baat ki hai ke hum italy ke shehrion ko ziyada se ziyada ahthyat baratnay ki hadaayat karen, is ke liye awam ko jismani faaslay barqarar rakhnay, barray ijitmaat se bachney, kasrat se haath dhoney aur mask pahannay ki Hadayat par sakhti se amal karna chahiye .
