corona ko shikast dainay ke baad adakar Yasir Nawaz nay plazma atiyah kardiya
corona ko shikast dainay ke baad adakar Yasir Nawaz nay plazma atiyah kardiya, adakar o film saaz Yasir Nawaz ney corona virus ko shikast dainay ke baad apna blood plazma atiyah kardiya .
Pakistani showbiz industry ke naamwar adakar, film saaz aur producer yasir Nawaz , un ki ahliya adakara o maizban nida yasir aur un ke betay mein mohlik tareen karona virus ki tashkhees hui thi jisay woh shikast dainay mein kamyaab hogaye .
yasir Nawaz ney apna blood plazma atiyah karne ki video social media plate form Instagram par bhi share ki aur –apne madahon se bhi darkhwast ki ke woh bhi apna blood plazma atiyah karkay deegar mareezon ki jaan bachayen .
Yasir Nawaz neh bataya ke un ka pehla corona test misbet aaya tha jis ke baad unhon neh khud ko qarantina karliya tha aur ab dosra test manfi aaya .
unhon neh bataya ke mein neh qarantina mein ahthyat ke sath achay din guzaray aur ab mein dosaron ki madad karne ke liye apna blood plazma atiyah kar raha hon .
khayaal rahay ke corona ke shikaar shakhs ka douran ilaaj blood plazma taaqatwar ban jata hai aur sahet yabi ke baad blood plazma corona ke dosray mareezon ko diya jata hai, jis wajah se woh jald sahet yab ban jatay hain .
video ke douran yasir Nawaz kuch kamzor dikhayi diye, taham unhon ny bataya ke woh bilkul theek hain .
khayaal rahay ke yasir Nawaz , nida yasir aur un ke betay mein 25 May ko corona virus ki tashkhees hui thi jis ke unhon ny 20 din ke liye khud ko qarantina karliya tha .
