corona jism ke kis hissay ko sab se ziyada mutasir karta hai? mahireen ka intibah
corona jism ke kis hissay ko sab se ziyada mutasir karta hai? mahireen ka intibah, Amrici mahireen ka kehna hai ke corona virus mareezon ke gurdon ko nuqsaan pouncha raha hai, aik tahaqeeq ke douran 50% ke qareeb waba ke shikaar mareezon ke gurday nakara report hue .
ghair mulki idaray ki report ke mutabiq Amrici riyasat New York city ke hospital mein mahireen nay aik tehqeeqi report tayyar ki, mutalay mein bataya gaya ke mazkoorah hospital ke taqreeban 50% karvna mareez aisay hain jin ke gurday waba ki lapait mein anay ke baad nakara hue, inhen is se qabal gurday ki koi bemari taq la-haq nahi thi .
report ke mutabiq mohaqiqeen nay rawan saal feb se May tak 4000 karona mareezon par reserch ki aur mareezon ka data bhi akatha kya, is douran pata chala ke mazkoorah afraad mein se 46 feesad ke gurday kaam karna chore chuke hain .
tehqeeqi mutalay ke mutabiq 46 feesad mein 82 feesad woh mareez thay jinhein kabhi gurday ki koi shikayat tak nahi thi. mazkoorah soorat e haal ke paish e nazar mahireen naay khabardaar kya hai ke karona mareezon ke gurdon ko bhi shadeed nuqsaan pohanchata hai .
khayaal rahay ke haliya aik tehqeeq se yeh baat bhi saabit hui thi ke karona sab se ziyada phephron ko nuqsaan pohanchata hai yahi wajah hai ke karona alamaat mein sab se bari alamat saans lene mai preshani hai.
