chhenknay ka andaaz batata hai aap ki shakhsiyat, dilchasp malomati report
chhenknay ka andaaz batata hai aap ki shakhsiyat, dilchasp malomati report, Bartanwi maahir ne chhenknay ke mukhtalif andaaz aur shakhsiyat ke baray mein dilchasp report jari kar di .
di sun ki report ke mutabiq Bartanwi maahir roeben kir mood ne apni report mein kisi bhi ensaan ke chhenknay ki aadat se uss ki shakhsiyat bayan karne ki koshish ki .
unhon ne apni report mein dilchasp inkishaaf kya ke duniya bhar mein rehne walay ensaan mukhtalif andaaz se cheenkatay hain, har shakhs ka alehda andaaz hota hai jo uss ki shakhsiyat ko bayan karta hai .
roeben nay bataya ke aam tor par chhenknay ke 6 andaaz hotay hain jin ke baaray mein neechay tafseel se bayan kya gaya hai .
moazrat kar ke chhenknay walay log
roeben kehte hain ke kuch log chheenk maarny se pehlay ya baad mein, hatta ke kuch log darmain hi mein dosaron se moazrat karte hain aur phir woh chheenk maartay hain .
aisi aadat ke logon ki shakhsiyat is terhan ki hoti hai ke woh dosaron ki zindagion par ziyada asar andaaz hona pasand nahi karte, is aadat ke log apni zaati mein gum rehne walay aur naram mizaaj ke hotay hain .
buland aawaz mein chhenknay walay log
Bartanwi maahir ke mutabiq buland aawaz mein ziyada tar mard hi chheenk maartay hain. aam tor par aisay log samajte hain ke buland aawaz mein chhenknaa hi duniya mein un ke ahem honay ki tasdeeq karta hai .
unhon ney apni report mein likha ke aisay log chheenk maartay hue apna mun bhi bohat kam hi dhanpte hain aur apni buland chheenk maarny par fakhr mehsoos karte hain, aisi aadat ke logon mein ghor-o-fikar karne aur sochnay ki aadat bohat kam hi payi jati hai .
dheemi aawaz mein chhenknay walay log
unhon ney likha ke dheemi ya aahista aawaz mein chhenknay walay log doosron ki tawajah apni taraf mabzol karanay ke khwahish mand nahi hotay. aisay logon mein ya to khodaatmadi ki kami hoti hai ya phir woh logon ki nazron mein anay se qatrate hain, haan magar woh apni koi bhi baat biyan kernay mai hichkachatay nhi hain.
chheenk maarny se pehlay aawaz nikaalnay walay
yeh log chheenk maarny se pehlay aik aawaz nikaltay hain aur woh samajte hain ke inhen kahin bhi, kisi ke bhi samnay chhenknay ka haq haasil hai, aam tor par aisay log khush fehmi ka shikaar hotay hain aur woh –apne aap ko dosaron se behtar samajte hain, un ki aik aadat yeh bhi hoti hai ke woh khud ko naram mizaaj zahir karne ki bhi koshish karte hain .
chheenk ko roknay ki koshish karne walay
kuch log aisay hotay hain jo chheenk ko roknay ki koshish karte hain. yeh log dosaron ka hatta al amkan khayaal rakhnay walay hotay hain
kohni mun par rakh kar chheenk maarny walay log
is andaaz se chheenk maarny walay log qanoon ki paasdari karte hain, un mein khud aagahi aur ijtimai shaoor hota hai lekin infiradi hesiyat mein ziyada soch bichaar ki salahiyat kam rakhtay hain .
