Cheeni khalai station k lia mazeed 18 afrad ka intikhab
Cheeni khalai station k lia mazeed 18 afrad ka intikhab, cheeni khalayi agency ne –apne khalayi station’ ‘ tayagong 3’ ‘ ke amlay ke liye mazeed 18 naamon ka elaan kardiya hai jis mein 17 mard aur aik khatoon shaamil hain. qabal azeen isi khalayi station ke liye 21 afraad muntakhib kiye ja chukay thay. is terhan cheeni khalayi station beje jane walay afraad ki tadaad 39 hogayi hai .
un mein se saat space pilot banin ge, saat afraad ko flight engineers ke tor par tarbiyat di jaye gi jabkay baqi chaar’ ‘ mission pay load speacialists ‘ ‘ ke tor par faraiz injaam den ge. naye amlay ki tarbiyat ka aaghaz bhi jald hi kardiya jaye ga jo taqreeban aik saal tak jari rahay gi .
wazeh rahay ke chain ne khalayi station’ ‘ tyagong 3’ ‘ ( aasmani mehal ) khalayi station par 2016 mein kaam shuru kya tha. is se pehlay do tajribati models ( tayagong 1 aur tyagong 2 ) khalaa mein beje ja chukay thay .
tayagong 3 apni jasamat mein sabiq roosi khalayi station’ ‘ Meer ‘ ‘ jitna hai taham usay modeol andaaz mein tayyar kya ja raha hai. matlab yeh ke is ke tamam hissay zameen par tayyar kiye jayen ge jinhein baad azan khalaa mein pouncha kar jor liya jaye ga .
cheeni khabar rasan agency ka kehna hai ke tyagong 3 ka samaan le kar pehli parwaaz 2021 mein kisi waqt rawana hogi aur is ki taamer shuru kar di jaye gi, jo 2022 mein mukammal kar li jaye gi .
andaza hai ke mukammal hojane ke baad yeh khalayi station 80 tan se 100 tan jitna wazni hoga aur mumkina tor par usay’ ‘ long March 5 bi’ ‘ rocket ki chaar se paanch parwaazon ke zariye ( tukron ki shakal mein ) zameen ke gird nichale madaar mein pohanchaya jaye ga. yani yeh 340 se 450 kilometer ki bulandi par rehtay hue zameen ke gird chakkar lagaye ga .
2022 mein mukammal hojane ke baad yeh khalayi station aglay 15 saal tak kaam karta rahay ga .
