canada mein 2 tayyaray aapas mein takra gay
canada mein 2 tayyaray aapas mein takra gay, canada mein 2 chhootey tayyaray aapas mein takra gaye jis ke nateejay mein aik pilot zakhmi hogaya .
ghair mulki idaray ki report ke mutabiq canada ki riyasat avtawa mein do chhootey tayyaron ke baazu aapas mein takra gaye jis ke nateejay mein aik tayyarah champion seven jee bi samandar mein gir kar tabah hogaya .
riskyo idaray ke mutabiq dosra tayyarah casna 172 am jee arbiyaer ke qareebi hawai adday par bahfazt landing karne mein kamyaab raha, is tayyaray mein 4 afraad mojood they, khush qismati se dono tayyaron mein mojood tamam afraad mehfooz rahay .
avtawa fire services ke mutabiq haadsay ke fori baad fire fighters jaye waqooa par puhanche aur tabah shuda tayyaray ke pilot ko bachanay mein madad ki aur usay hospital muntaqil kya, haadsay mein zakhmi honay walay pilot ki Umar 70 saal batayi gayi hai .
avtawa ke shehri mark helam ka kehna tha ke mere betay naay tayyaron ko aapas mein takrate hue dekha is ke baad aik tayyarah samandar mein gira aur tayyaray ka pilot apni madad aap ke tehat niklny mein kamyaab hogaya .
report ke mutabiq samandar se tabah honay walay tayyaray ka malba hata diya gaya hai, imdadi kamon mein avtawa police riskyo hakkaam naay hissa liya .
canada ke transportishn safety board hakkaam ka kehna hai ke woh is tassadum se aagah hain aur tayyarah haadsay ki tehqiqaat ka aaghaz kardiya gaya hai .
yaad rahay ke guzashta saal November mein bhi canada ke shehar antariyo mein chhota tayyarah jungle mein gir kar tabah hogaya tha jis ke nateejay mein 7 afraad halaak hogaye they .
