blood pressure se mutaliq 5 ghalat fehmiya
blood pressure se mutaliq 5 ghalat fehmiya, blood pressure ke baray mein payi jane wali aisi 5 ghalat fehmiya hain jin ke baray mein aap ko maloomat hona zaroori hai .
hum sab jantay hain ke high blood pressure ( buland fashaar khoon ) aik khatarnaak marz hai jis mein sharianon mein bahtay khoon ka dabao barh jata hai aur dil ko mamool se ziyada kaam karna parta hai .
yeh hyper tension insaan ke dil se mutaliq mukhtalif bimarion ke liye khatarnaak saabit ho sakta hai, doosri taraf kam blood pressure bhi nuqsaan da saabit ho sakta hai, yeh chakkar anay ka sabab ban sakta hai jo insaan ke dil ki sehat ko mutasir kar deta hai .
woh 5 ghalat fehmiya kon si hain ?
1 : blood pressure be zarrar
kuch logon ko blood pressure mein utaar charhao ka saamna rehta hai, woh usay be zarrar samajh kar nazar andaaz kar dete hain, lekin yeh mamooli tabdeelian nuqsaan da ho sakti hain, jaisa ke high blood pressure kisi sangeen bemari ka andesha ho sakta hai aur lo blood pressure se jismani karkardagi mutasir ho sakti hai, is liye is ka baqaidagi se record rakhna shuru kar den .
2 : na qabil e control
aksar mareez yeh samajte hain ke high blood pressure ka control mumkin nahi, halan ke achi ghiza, sehat mand trzِ zindagi aur mualij ki Hadayat par amal ke zariye usay control kya ja sakta hai. is ke liye mahireen life style ki tabdeeli ko barri ahmiyat dete hain jaisa ke baqaidagi se werzish, sehat bakhash ghiza, ghusse par qaboo, tambaku noshi se parhaiz waghera .
3 : namak
kuch log kehte nazar atay hain ke namak kam karne se high blood pressure theek ho sakta hai. aisa nahi hai, sirf namak se nahi hoga, sehat mand tarz zindagi apnaana zaroori hai, haan yeh zaroor hai ke namak ka be ja istemaal blood pressure aur gurdon ke liye nuqsaan da hai .
4 : ilaaj chhorna
aksar log high blood pressure ki alamaat control honay ke baad ilaaj chore dete hain, kya yeh theek hai? bilkul bhi nahi. dr ke mashwaray aur Hadayat ke baghair aisa karna nuqsaan da ho sakta hai .
5 : Coffee
kuch log blood pressure ke liye coffee bhi piinaa mufeed samajte hain, lekin bohat ahthyat karen is silsilay mein. high blood pressure ki shikayat walay afraad caffeine wali ashya ka istemaal tark ya bohat kam kar den. kam blood pressure walay afraad mein bhi ziyada kaafi peenay se blood pressure mein izafah ho sakta hai, is liye ahthyat ka daman nahi chhorna chahiye .
jo sab se ahem baat yaad rakhnay ki hai woh hai : hyper tension aik khamosh qaatil hai .
