Bharat mein bandar ko Umar qaid ki saza snadi gayi
Bharat mein bandar ko 250 logon ko katnay aur 1 shakhs ko qatal karne ke jurm mein Umar qaid ki saza sunadi gayi .
ghair mulki idaray ki report ke mutabiq Bharti riyasat utar pardesh ke shehar kanpor ke chirya ghar mein aik bandar ko 250 logon ko katnay aur 1 shakhs ko qatal karne ke jurm mein Umar qaid ki saza sunadi gayi hai .
chirya ghar ki intizamia ka kehna hai ke bandar saari Umar salakhon ke peechay rahay ga aur usay raha nahi kya jaye ga .
report ke mutabiq zila Mirza poor mein kalwa Nami bandar aik maahir ilm najoom ka paaltoo janwar tha nujoomi ney bandar ko nashay ka aadi banadiya tha aur jab nujoomi mra to bandar ko sharaab milna band hogayi jis ki wajah se woh logon par hamla aawar honay laga .
bandar ney Mirza poor mein 250 logon ko kaat kar zakhmi kya jabkay 1 shakhs bandar ke hamlay ke nateejay mein shadeed zakhmi hwa aur douran ilaaj chal basa, baad azan is bandar ko chirya ghar ki intizamia ki madad se barri mushkil se qaboo kya gaya aur kanpor ke chirya ghar muntaqil kardiya gaya .
chirya ghar ke dr Mohammad nasir ka kehna hai ke 6 sala bandar ko aik allag thalag pinjare mein kayi mahinay taq rakha gaya
lekin is ke ravayye mein koi tabdeeli nahi aayi, ab is ko chirya ghar mein aaye hue 3 saal hogaye hain aur ab yeh faisla sun-hwa hai ke yeh hamesha ke liye pinjare mein qaid hi rahay ga .
unhon ney kaha ke agar is bandar ko raha gaya gaya to yeh jahan bhi jaye ga logon ko nuqsaan pahunchana shuru kardey ga, bandar ney nigrani par mamoor shakhs se bhi abhi taq dosti nahi ki hai .
