Bartania mein corona ka zor totnay laga
Bartania mein corona ka girift kamzor honay lagi, mutasirah afraad ki tadaad mein musalsal kami anay lagi .
qaumi idaara shumariyat ke taaza adaad o shumaar ke mutabiq aik din mein corona ke shikaar afraad ki tadaad 8 hazaar se kam ho kar 5600 ho gayi hai .
yeh nataij 9 hazaar ghranon ke 19 hazaar afraad ke corona test ke nataij ki bunyaad par akhaz kiye gaye hain, do haftay qabal har 4 so afraad mein se 1 shakhs corona ka shikaar bana ab yeh sharah aik hazaar mein se 1 shakhs tak pahonch gayi hai .
idaara shumariyat ka kehna hai ke 885 afraad ke anti bodies test misbet lekin corona alamat mojood nahi hai jab ke gharron se bahar kaam karne walon ki aksariyat corona ke mutasireen mein shaamil hain .
is ke ilawa aspatalon aur kyir homz ke workers corona ke aaasaaan shikaar banay hain .
yakam June ko Bartanwi Wazeer e Azam bors johnson naay corona ka zor tottnay par malik bhar mein 5 afraad ke ghar se bahar ikathay honay aur mulaqaat karne ki ijazat di thi .
samaji raabtey ki Website twitter par jari bayan mein wazeer e azam bors johnson ka kehna tha ke aaj se 5 afraad ghar ke andar ya bahar ikathay waqt guzaar satke hain yeh logon ke liye khoshi aur raahat ka lamha hai .
Bartanwi wazeer e azam bors johnson ney awam se samaji faasla qaim rakhnay ki appeal karte hue haath dhoney aur ahteyati tadabeer ikhtiyar karne par zor diya .
