barha hua pait aur motapa aap ki jaan bhi le sakta hai
barha hua pait aur motapa aap ki jaan bhi le sakta hai, insaan kitna hi khush shakal kyun nah ho lekin agar is par motapa ghalib aajay to is ki shakhsiyat ko girhan lag jata hai aur is ki shakal namukammal si lagti hai, motapa bazat khud aik bemari hai jis se aur bhi bohat se marz la-haq ho saktay hain aur basa auqaat mout bhi waqay hosakti hai .
tandrusti hazaar Nemat hai, agar insaan sehat mand o ray tawana ho to woh har mushkil se mushkil kaam ko bhi karne ka pakka iradah karleta hai aur usay mukammal bhi karleta hai lekin bashart e kay woh sehat mand ho, aap ki khoubsurti ka dushman motapa aap ki jaan bhi le sakta hai .
haliya tehqeeq mein yeh baat samnay aayi hai ke pait ki charbi mein izafah jald mout ka sabab ban sakta hai, medical journal mein shaya kardah aik mutalay mein kaha gaya hai ke pait ki charbi jald mout ki wajah ban sakti hai aur qabal az waqt mout ke khatray ka taayun karne ke liye body mass index ka istemaal kya ja sakta hai .
Body mass index kya hai ?
body mass index aik aasaan iqdaam hai jo logon ke wazan ka andaza karne ke liye wasee pemanay par istemaal hota hai lekin is par aksar tanqeed ki jati hai kyunkay body mass index yeh nahi batata hai ke jism mein charbi kahan mehfooz hoti hai .
motapay ke baais peda honay walay khatarnaak amraaz mein amraz qalb, cancer, sugar aur high blood pressure wagaira khaas tor par shaamil hain. wazay rahay ke motapay ki haalat mein amraaz qalb ki bar waqat mout waqay honay ka talluq dil ke feal mein be rabt gi, taham ahangi aur qalb o sherain ki pechidgion se hai .
jis ka bunyadi sabab khoon mein barhi hui charbi ki miqdaar aur cholesterol ka berhta hai. motapay ke baais amwaat ki sab se barri sharah mtzkrh baala hi hai. motapay ki wajah se blood pressure ka barh ja na aam hai. motapay ke baais hi aurton mein reham ka cancer, sun pa seen ke baad breast ka cancer, mardon mein piro stit ka cancer mardo zan mein maq-ad ke cancer ka khatrah barh jata hai .
Pait ki zayed charbi mout ki wajah hai ?
iss zimn mein mohqiqeen ne mukhtalif tajarbaat aur mutalay kiye jis ke baad maloom hwa ke pait ki izafi charbi waqai mein jald mout ka sabab ban sakti hai .
khawateen mein khaas tor par har 10 centi meter pait ki charbi mein izafah 8 feesad tak mout ke khatray mein izafah kar deta hai jabkay mardon mein har 10 centi meter pait ki charbi mein izafah mout ka khatrah 12 feesad tak barha deta hai, is ke bar aks jism ke deegar hisson mein mojood izafi charbi jald mout ke khatray ko kam kar sakti hai .
Pait ki izafi charbi kaisay kam ki jaye ?
pattay wali sabzion aur taaza phalon ko ghiza mein shaamil karen .
protein aur kam charbi wali masnoaat ka intikhab karen .
cheeni ka istemaal kam karen aur koshish karen ke cake, cookies aur meethay mashrobat se parhaiz kya jaye .
dinner mein bhaari ghiza ke bajaye halki ghiza aur salad ka istemaal karen .
ziyada se ziyada werzish karen jaisay walk, teraaki aur jumping waghera .
