bachay jhoot kyun boltay hain ?
bachay jhoot kyun boltay hain ? walidain aksar auqaat yeh shikwah karte hain ke un ke bachon ko jhoot bolnay ki aadat prhchki hai magar woh kabhi is aadat ki wajah jan-nay ki koshish nahi karte aur yahi un ki ghalti hai .
is hawalay se programme bakhabar sawera mein maahir nafsiat dr mayz ne bachon mein jhoot bolnay ki aadat aur walidain ki zimma daari se mutaliq apni mahirana raye se aagah kiya .
dr mayz ne bataya ke bachon ke jhoot bolnay ki do barri wajohaat hoti hain pehli lalach aur dosra saza ka khauf, agar walidain bachay ki is rawish ko mehsoos nahi karte ya is par koi action nahi letay to baad mein yeh bachon ki aadat si ban jati hai .
unhon ne kaha ke agar walidain ko lagta hai ke bachay ne jhoot bola hai to un ka chahiye ke is ko bila waja nah danten aur nah hi is ke baray mein fori tor par koi raye qaim karen .
un ka kehna tha ke bachon ki tarbiyat ke douran do qisam ke ravayye un ki shakhsiyat ko tabah kardete hain. pehla yeh ke un ke hawalay se fori koi raye qaim karna aur dosra kisi aur bachay ke sath is ka mawazna karna .
is ke ilawa schoolon mein usaatzaa karaam bhi jalti pay tail daalnay ka kaam karte hain aur taleemi dabao daaltay dikhayi dete hain aur taleemi karkardagi achi nah honay par bachon ko daant dapat ka nishana banatay hain .
bachay aksar walidain ko jaakar –apne school ke halaat se aagah nahi karte aur nah hi taleemi karkardagi ke mutaliq koi report dikhata hain aur aksar walidain aur usaatzaa ke dabao mein aakar nah sirf jhoot boltay hain balkay bohat si buraiyon aur zehni amraaz ka bhi shikaar ho jatay hain .
zaroorat is amar ki hai ke walidain aur usaatzaa is masla ki janib khaas tawajah den aur bachon ke sath ziyada se ziyada waqt guzaraian aur inhen aetmaad mein len is se pehlay ke bohat der hojaye aur phir pachtaway ke siwa kuch nah rahay .
