Aurat ki izzat e nafas
Aurat ki izzat e nafas, September ki aik raat Lahore se Gujranwala ko milaane wali sarrak par –apne teen bachon ke samnay tashadud aur zayad-ti ka shikaar honay wali khatoon ke waqeye ne poooray mulk ki ikhlaqi o intizami kamzoree ki taraf wazeh ishara kya hai. khawateen ke sath zayad-ti ke waqeat pehlay bhi runuma hotay rahay hain. Lahore ki police ke mutabiq 2020 ke pehlay 60 dinon mein khawateen se zayad-ti ke majmoi 73 waqeat darj hue. is se yeh andaza lagana aasaan hai ke mutala nah kiye jane walay waqeat ki tadaad kitni ziyada hogi? lekin motorway zayad-ti case do pehluo ki wajah se apni noiyat ka anokha waqea hai. aik is mein teen masoom bachon ke samnay un ki maa se zayad-ti ki gayi. doum is waardaat se pehlay qanoon nafiz karne walay idaron se madad mangi gayi, jis ka nah pohanchna is sanihay ka baais bana .
is waqeye par rad-e-amal ke tor par tamam samaji tanzeemen muashray mein panpanay wali pidrana soch ki taraf ungli utha rahi hain. lekin agar dekha jaye to is ki wajohaat is se bhi kahin ziyada hain. bilashuba muashra to pidrana soch ka haamil hai hi, lekin kya hum ne yeh socha hai ke bachay ki pehli dars gaah to maa hoti hai, doosri is ke ghar ka mahol. muashray ka kirdaar to bohat baad mein aata hai. jo khayalat maa rakhti hai wohi bachay ( chahay larki ho ya larka ) ke zehen mein tahyat naqsh ho jatay hain. isi terhan ghar mein jis terhan se betay aur beti ko sanfi tafreeq se paala jata hai woh un ke tarz e amal ka hissa ban jatay hain .
Aurat ki izzat e nafas ,hamein maaon se sawal karna chahiye ke woh aisi tarbiyat kyun karti hain, jis mein betay ko to jismani, zehni aur samaji hukmarani ka dars jabkay beti ko har zulm par khamoshi, sabr aur dar guzar karne par raazi kya jata hai? yahi woh sanfi tafreeq hai jo agay chal kar ziyada tar mardon ko zalim aur aurton ko mazloom banati hai. yeh silsila mehez khandan mein bahami taluqaat tak hi mehdood nahi rehta, balkay yeh muashray mein bhi is terhan se muntaqil hota hai ke mard sarrak par mojood aurat ko kamzor aur tanha samajte hue mukhtalif mazalim karne ko apna haq grdanta hai. jaisay ke motorway case samait aurton par muashray mein taizi se phailtay zayad-ti aur harsagi ke waqeat se zahir hai .
doosri ahem wajah mazhab ki ghalat tashreeh hai. jis ko bunyaad bana kar ja baja sanfi tafreeq ko jaaiz banaya jata hai. is zimn mein azwaaj muzahraat rasool, hazrat Khadija aur hazrat Aisha ki pak damni ki misaal to di jati hai, lekin un dono khawateen ka islami tareekh mein faisla saazi, khudmukhtaari aur usool parasti ke hawalay se ziyada zikar nahi kya jata. isi terhan islam mein khawateen ke kirdaar ki misaal dete hue hazrat zainab ka Yazid ke darbaar mein uss tareekhi khtbe ka hawala kam diya jata, jis mein zalim ko lalkara ja raha hai aur poora khandan lutane ke bawajood bhi haq o sach ka farq bataya jata hai .
woh bhi aik khatoon theen jin ko islam ne nah to jhukna sikhaya aur nah hi darna. to is mazhab ke peirokaar kaisay aik islami muashray mein zulm ke samnay khawateen ko khamosh rehna aur jhukna sikha satke hain ?
teesra ahem pehlu, aurat ko asmat ka nishaan kuch is terhan bana dena hai ke woh –apne sath zayad-ti ka zikar karte hue yeh sochnay par majboor ho ke aisa karne se woh izzat daar nahi rahay gi. kyunkay usay izzat ka rakhwala banaya gaya hai. isi khauf se ziyada tar khawateen –apne sath honay walay zulm o sitam ka zikar nahi krsktin. motorway par zayad-ti aur tashadud ka waqea to aik aisi khatoon ke sath hwa jis ka talluq aik Mutwast gharane se tha, is wajah se nah sirf case darj hwa balkay dekhte hi dekhte qaumi o bain al aqwami mnzrname par bhi chhaa gaya. kitni hi khawateen hain Pakistan mein jo rozana ghar mein ya ghar se bahar aisay zulm ka shikaar hoti hain? lekin ghareeb ghranon se talluq ki wajah se –apne sath rava zulm ka zikar sirf aur sirf kisi se is liye nahi kartin ke kahin muashray mein maqam aur gharane mein apni izzat nah kho bathain .
Aurat ki izzat e nafas,is behas ka choutha ahem pehlu, khawateen ke masawi haqooq ke mutaliq jloson aur bhson mein mardon ki aksariyat ki Adam mojoodgi hai. muashra to dono ka is maslay par kirdaar mangta hai. jab tak khawateen ke haqooq ki har tehreek mein mard baqaida shaamil nahi hoga, tab tak koi ahem paish Raft mumkin nahi .
aakhir mein yeh kehna chahoon gi ke Pakistani muashra nah pidrana hona chahiye aur nah mardana , yeh sirf aik insani muashra hona chahiye, jahan sanaf ki bunyaad par nahi balkay insaaniyat ki bunyaad par Afoo o dar guzar, izzat o ehtram aur haqooq ka tahaffuz ho. jahan koi mard aurat ko is wajah se harasan nah kere ke woh aurat hai aur inkaar nahi kar sakti. jahan aurat bhi mard ko samaji o muashi dabao se azad karkay aik insaan samjhay. jab taluqaat ki bunyaad bahami razamandi hosakti hai, to khatam karne ka usool bhi bahami ehtram aur izzat hona chahiye .
