America mein chhota tayyarah gir kar tabah, pilot halaak
America mein aik engine wala chhota tayyarah gir kar tabah hogaya jis ke nateejay mein pilot halaak hogaya .
Amrici riyasat colorado mein gharelo tor par tayyar kya jaaney wala chhota tayyarah airport ke nazdeek markazi shahrah par gir kar tabah hogaya jis ke nateejay mein pilot halaak hogaya .
delta police, fire fighters aur ambulance jaye waqooa par fori tor par pohnchain, fire fighters ny tayyaray mein lagnay wali aag par qaboo paaya aur halaak pilot ki laash ko hospital muntaqil kya gaya .
Aini shahideen ke mutabiq tayyarah fiza mein hichkolay kha raha tha, pilot ny parachute ke zariye emergency landing ki koshish ki lekin woh nakaam raha hai aur tayyarah markazi shahrah par gir kar tabah hogaya .
America mein aik engine wala tayyarah gir kar tabah
ave ation hakkaam ka kehna hai ke tayyarah gharelo tor par banaye jaaney walay tayyaron ki aik shakal hai, aik engine aur kam wazan walay aisay tayyaray niji tor par tayyar kiye jatay hain, un tayyaron mein hungami landing ke douran parachute ka istemaal kya jata hai .
report ke mutabiq tayyarah girnay ki tehqiqaat ke liye inquiry committee tashkeel day di gayi hai .
wazeh rahay ke rawan saal feb mein Amrici riyasat Florida mein aik engine wala tayyarah qareebi abadi mein gir kar tabah hogaya tha jis ke nateejay mein maamar jora halaak hogaya tha .
