America jaane ke khawahish mand afraad ke liye barri khabar
America jaane ke khawahish mand afraad ke liye barri khabar, Amrici sadar donald trump neh ghair mulkion ke liye visa policy ko mazeed sakht karne ka faisla karliya hai, jis ka elaan aaj honay ka imkaan hai .
tafseelaat ke mutabiq Amrici saddar Donald trump neh corona waba aur barhti hui berozgari ke paish e nazar ghair mulkion ke mulk mein dakhlay ko roknay keliye visa policy mein mojood nermiyon ko khatam karne ka faisla karliya hai, jis ka elaan aaj mutawaqqa hai .
saddar trump ka kehna tha ke yeh ab taq ki sab se sakht visa policy hogi, is mein chand hi log mstsni hon ge ,
interview mein saddar trump nay nai visa policy se mutaliq ziyada tafseelaat dainay se guraiz kya taham naqideen ka kehna hai ke Amrici saddar immigration ko mehdood rakhnay ke –apne darina maqsad ko haasil karne ke liye corona waba ka istemaal kar rahay hain, woh immigration ke baaray mein sakht moaqqaf se sadaarti intikhab mein americion ke vote haasil karna chahtay hain .
trump nay barri Amrici companiyon par zor diya hai ke woh ghair mulki kaarkunon ke America mein dakhlay ko roknay se guraiz karen kyunkay is se maeeshat ko nuqsaan puhanche ga .
yaad rahay April mein Amrici saddar Donald trump nay corona virus ke barhatay cases ke sabab har terhan ki immigration par earzi pabandi aed karne ka elaan kya tha aur kaha woh Amrici shehrion ke rozgaar ko bachanay ke liye aur Amrici maeeshat ko pounchanay walay nuqsaan ke baais yeh pabandi lgarhe hain .
wazeh rahay ke Amrici hukoomat ki janib se guzashta mah se hi har qisam ke visa se mutaliq karwai moattal ki ja chuki hai.
