air conditioner kamron mein corona virus ke phelao ka kitna khatrah hai ?
air conditioner kamron mein corona virus ke phelao ka kitna khatrah hai, corona virus ke baaray mein nai tehqiqaat kiye jany ka amal jari hai, haal hi mein mahireen nay is ke phelao ke aik aur sabab ki taraf ishara kya hai .
mahireen ka kehna hai ke kisi jagah par hwa mein nami ka ziyada tanasub corona virus ki waba ko phelnay se roknay mein ahem kirdaar ada karta hai, is ke bar aks khushk hwa walay kamray aur band air kndishnd amarat is virus ke taizi se phelao mein madad gaar saabit hotay hain .
german aur Bharti tibbi mahireen ki janib se muratab kardah is tehqeeqi report mein kaha gaya hai ke corona virus ko phelnay se roknay ke liye public tansport aur imaarton ke andar hwa mein nami ke ziyada tanasub ko yakeeni banaya jaye .
mahireen ke mutabiq un maqamat par hwa mein nami ka tanasub kam az kam 40 feesad aur ziyada se ziyada 60 feesad hona chahiye .
mahireen ke mutabiq Covid 19 ke mareez ke mun ya naak se khansi ya chheenk ke douran niklny walay nanhay qatray namkiyat, pani, namiati ajza aur karona virus par mushtamil hotay hain ,
hwa mein nami ke ziyada tanasub ki soorat mein mazeed aabi bukharat un par jama hojane ki wajah se un nanhay qatroun ka wazan barh jata hai aur woh fori tor par zameen par ya kisi doosri satah par baith jatay hain .
is terhan hwa mein kam der taq rehne ki wajah se un ke mun, naak ya aankhon ke rastay kisi dosray fard ke jism mein daakhil honay ke imkanaat kam ho jatay hain .
mahireen ka kehna hai ke khushk hwa aur kam darjah hararat ki soorat mein Covid 19 ke mareez ke mun ya naak se niklny walay nanhay qatroun ka hajam mazeed kam ho jata hai
aur woh ziyada daur aur ziyada der taq fiza mein rehtay hain jis ke nateejay mein dosaron ke mutasir honay ke imkanaat barh jatay hain .
kam hajam aur wazan ke sath un qatroun mein corona virus ziyada der taq aykto reh sakta hai .
isi terhan Covid 19 ke mareezon ki mojoodgi walay kamron ya amarat mein darwazay aur khirkiyan khuli rakhnay se bhi virus ke phelnay ke imkanaat kam ho jatay hain .
is ke ilawa hwa mein nami ka tanasub kam honay se hamari naak ke andar ratobat khushk ho jati hai aur aisi sorat e haal corona virus ke liye be had sazgaar saabit hoti hai .
