aankhon ke neechay siyah halqay kaisay daur kiye jayen? jaaniye
aankhon ke neechay siyah halqay kaisay daur kiye jayen? jaaniye,aankhon ke neechay parney walay siyah halqay khawateen ki khoubsurti ko maand kardete hain, yahi wajah hai ke khawateen aankhon ki dilkashii aur khoubsurti badhaane par ziyada tawajah deti hain .
ankhen insaan ki rooh ki akkaas hoti hain, jo zindagi ko muaser andaaz mein munakis karne ki salahiyat rakhti hain, kisi ki bhi pehli nazar aap ki aankhon ka hi jaiza layte hai .
aaj ke daur mein roz maraah ki masrofiyat, zehni o jismani sehat, ghizai aadaat aur rehan sehan mein pehlay ki nisbat kaafi had tak numaya tabdeeli peda hogayi hai, masrufiyat ke is daur mein ab insaan apni zahiri khoubsurti aur dilkashii se bhi ghaafil ho gaya hai .
aankhon ke gird siyah halqon ka ahem aur numaya sabab ghair mutawazan ghzaon ka khana bhi hai, khawateen mein hamal aur ayyaam ke douran bhi yeh halqay wazeh aur numaya nazar anay lagtay hain .
ilawa azeen harmons ki tabdeeli ke amal aur jald ki rangat se bhi yeh halqay namodaar ho satke hain, gandumi aur sanwali jald ki nisbat safaid rangat walay afraad mein un halqon ke namodaar honay ke imkanaat ziyada hotay hain .
Sooraj ki tamazat ya dhoop mein ziyada der tak kaam karne walay afraad bhi siyah halqon ka shikaar ho jatay hain, is liye ke is ki wajah se un ki jald ki rangat mutasir hoti hai .
mukammal aur bharpoor neend nah lainay walay afraad ki aankhon ke gird halqay namodaar ho jatay hain aur neend ki kami aankhon ke nichale hissay mein mojood ragon ko ziyada siyah aur numaya kar deti hai aur bohat ziyada thakawat se bhi ankhen fori mutasir hoti hain, munasib aaraam nah lainay se aankhon ke gird jald zard aur be ronaqe nazar aati hai .
yahi wajah hai ke kam Umar larkiyon mein aankhon ki khoubsurti barqarar rakhnay se mutaliq masail manzar aam par arhay hain jin mein aankhon ke gird namodaar honay walay siyah halqay sir fehrist hain lekin chand gharelo totkon se un halqon se nijaat haasil ki ja sakti hai .
badam ka tail
badam ka tail siyah halqon ko daur karne mein ahem kirdaar ada karta hai, raat ko sonay se pehlay badam ke tail se aankhon ke neechay halka halka massage karen aur so jayen, badam roghan siyahi daur karta hai, mulaimat aur narmi lata hai .
kheera
kheeray ke slice karkay fridge ya freezer mein rakh den aur phir unko aankhon par achi terhan jama kar rakh len. kheeray se aankhon ko thandak miley gi aur is se niklny wala ras aankhon ki jald ko sukoon fraham kere ga. haftay mein do teen baar yeh amal karne se bohat jald siyah halqay nah sirf saaf hona shuru ho jayen ge .
aalo
aluon ko chheel kar un ka juice nikaal len phir is juice mein roi ke tukre ko bigho kar aankhon ke neechay rakh den aur is baat ko yakeeni banalen ke tamam siyah hissa roi se dhakka sun-hwa ho baad mein thanday pani se usay saaf karlen .
Arq e ghulaab
arq ghulaab jald aur ankhoo ke gird siyah halqon ko daur karne mein ahem hai, roi ke tukron ko kuch der ke liye Arq ghulaab mein bigho dain phir un ko ankhoo par rakh kar 15 se 20 minute ke liye chore den, achay nataij haasil karne ke liye din mein 2 baar is amal ko dohrayen .
tmater aur lemoo
tmater aur lemoo mein blichng khususiyaat payi jati hain, jo siyah halqon se nijaat haasil karne ka behtareen zareya hai, yeh nah sirf halqon ko khatam karta hai balkay aap ki jald ko mulaem aur chamakdaar bhi banata hai .
aik chamcha timatar juice ko aik chamcha lemoo ke juice mein mila kar aankhon ke neechay lgalin aur usay 10 minute tak lagey rehne den baad mein usay pani se saaf karlen .
